Non vou falar das eleccións neste post

Premiados no Festival de Cans '07

Elianinha e o típico chimpín

A mellor xeira de xornalista loiras, Paco e Raquel, e os mellores amigos do mundo.

Non che recorda a outro momento?

Unha das mellores curtas do festival, na sección do jalpón friki. Sara Jess, Pepa, Miguel e Pepe, todos uns peazo de artistas.


Cheguei de Cans. Estou na miña casa, e teño que dicir que non era o que me esperaba.
Fuxín das eleccións, e dende o Hotel Internacional retransmitía o Festival de Cans para Xeración. Agora, que cando cheguei a Porriño pensaba que a historia ía ser moi diferente. Paseino en grande, Cans é unha superfesta do cine: vin mogollón de pelis, tiven a oportunidade de falar con directores e realizadores, actores e veciños de Cans. Pensaba en min, tumbada na terraza, cun daikiri, a josar do cine.
Pero o que non contaba era con que dese tanto traballo, que veño escarallada. Onte, por exemplo, comecei ás 10 da mañá, ás 00 horas remataba a entrega de premios e ás 4,30 horas lograba meterme na cama, despois de pasarme un día correndo de chimpín en chimpín, de jalpón en jalpón... gravadora, cámara e libreta en man. Eu que pensaba que era todo glamour e dolce vita... Non houbo maneira, vamos que necesito agora unhas vacacións. ;)
Pagou a pena. Foi divertidísimo e moi interesante. Un contacto cara a cara co máis experimental do audiovisual, coas novas ideas e cos novos talentos.
Veño encantada do que vin, sobre todo dunha das curtas: As cousas do Kulechov. Nunca volverei mirar as bateas do mesmo xeito. Para min, a mellor curta de todas. Porque aínda que algúns non se deran de conta, en Cans fálase de cine: non somos paletos que poñen películas entre as ghaliñas.
E para o ano, que Cans conte comigo, que alí estarei.

Especial de Xeración Web do Festival de Cans.